Xa estamos no Courel

Courel dos tesos cumes que ollan de lonxe
Eiquí síntese ben o pouco que é un home.
Hein d’ir o Pía Páxaro i a Boca do Faro
deitarme na Campa da Lucenza nun claro.
Hein d’ir a Devesa da Rogueira i a Donís
ó Rebolo á Pinza i ó Chao dos Carrís.
Hein d’ir a Lousada i a Pacios do Señor
A Santalla a Veiga de Forcas i a Fonlor.
Hein d’ir ó Cebreiro pasar por Liñares
rubir ó Iribio a Cervantes i a Ancares.
Hein d’ir a Cido i a Castro de Brío
baixar i andar pola aurela de río.
Hein d’ir a Céramo cruzal’o Faro i entón
debrocar pra Baixo cara Oéncia e León.
Hein d’ir a Vales i a Pena da Airexa
i a un eido solo onde ninguén me vexa.

Uxío Novoneyra
Os Eidos
Libro do Courel

Onde no ha entrar ferralla nova así que, nun par de días, onde ninguén me vexa…
Aí vou, Lor