jueves, 11 de abril de 2013

Distincións do Club Londra no Campionato Concello de Rois


Todo está preparado en Rois para disputar a décima edición do campionato de pesca fluvial que organiza o Club de Pesca Deportiva Londra no ano que celebra o seu décimo aniversario. Neste concurso, que xa é unha cita destacada no calendario do mundo da pesca deportiva en Galicia, danse cita varios campións galegos, campións provinciais, membros destacados da selección galega de pesca e, como non, na categoría xuvenil e codeándose xa con todas estas figuras, a canteira do Club Londra, o equipo xuvenil que nestes últimos anos ven colleitando triunfos ao longo da xeografia galega, tanto a nivel individual como colectivo e que xa llo poñen difícil os participantes da categoría absoluta, o que lle da un alto nivel de competición.
Os pescadores daranse cita o 14 de abril na taberna O Pemento de Seira ás sete da mañá, onde recollerán os dorsais e se fará o emparellamento para comezar a proba ás oito da mañá, disputándose en duas mangas nos tramos que comprenden o couto de pesca de Rois nos ríos Rois e Valeirón.
Ao remate da proba terá lugar o tradicional xantar de confraternidade despois do cal se entregarán os trofeos aos gañadores. No mesmo acto de entrega de premios, o Club Londra agradecerá aos medios de comunicación que nestes dez anos de existencia colaboraron e difundiron as actividades que este club levou a cabo, axudando así a dar a coñecer o traballo realizado, tanto no ámbito medioambiental como deportivo. Estes profesionais do xornalismo difundiron o noso labor e co seu traballo axudaron a dinamizar e poñer en valor o rio Rois e o Concello de Rois.
O Club Londra de Rois ten a honra de rendirlle homenaxe e agradecemento aos xornalistas:
Cristina Botran, de “El Correo Gallego”
Uxía López, de “La Voz de Galicia”
Miguel Piñeiro, escritor e xornalista, director do programa “Rios e Montes” da Radio Galega.
Alberto Torres, xornalista deportivo, director do “Xornal de Pesca Deportiva Trueiro”
Luis Piñeiro, Xuiz Árbitro da FGP e da FEP, e webmaster de SurfCastingMasters.
Club de Pesca Deportiva Londra